பொதுவாகவே ஆண்கள் மேலாடை இன்றி இருப்பது சமூகத்தால் இயல்பான ஒன்றாக ஏற்றுக் கொள்ளப்பட்ட ஒன்றாகும். அதன் காரணமாகவே அநேகமான பாரம்பரியம், பழமை வாய்ந்த இந்துக் கோயில்களுக்குள் நுழைய முன்னர் ஆண்களின் மேலாடையை அகற்றும் சம்பிரதாயம் இன்றுவரை கடைபிடிக்கப்பட்டு வருகிறது. ஆண்களின் தோற்றத்தை வைத்து அவர்களின் குணத்தை ஓரளவுக்கு அறிந்து கொள்ளலாம் என்று பண்டைய நூல்களில் குறிப்பிடப்பட்டுள்ளது. அந்த வகையில் ஆண்களின் நெஞ்சுப் பகுதியை வைத்து அவர்களை எப்படியெல்லாம் வகைப்படுத்தலாம், அவர்களின் குணம் எப்படி இருக்கும் என்று இந்தப் பதிவில் பார்ப்போம்.
ஆண்களின் நெஞ்சுப் பகுதியை அவற்றின் அமைப்பை வைத்து வகைப்படுத்தலாம். காடு போன்று முழுமையாக மறைக்கப்பட்ட நெஞ்சு முடி உள்ள ஆண்களின் நெஞ்சை Lion Heart(சிங்கத்தின் சிகை) என்பர். இவ்வாறான அமைப்பைக் கொண்ட ஆண்கள் காதலுக்காக உயிரைக் கூட கொடுப்பார்களாம்.
நெஞ்சில் குறைவான முடி, அல்லது முடி வளர்ச்சியற்ற ஆண்களின் நெஞ்சை Moon Soul(சந்திர மண்டலம்) என்பர். இவ்வாறான அமைப்பைக் கொண்ட ஆண்கள் பெரும்பாலும் எந்த வம்புக்கும் போகாத சமாதான விரும்பிகளாக இருப்பார்களாம்.
ஆண்களின் நெஞ்சின் நடுப்பகுதியில் வைரம் போன்ற அமைப்பு இருந்தால் அந்த ஆண்களின் நெஞ்சை Diamond Luck(வைர நெஞ்சு) என்பர். இவ்வாறான அமைப்பைக் கொண்ட ஆண்கள் பெரும்பாலும் எதிலும் கைதேர்ந்தவர்களாக, தொட்டதெல்லம் பொன்னாகும் நபர்களாக இருப்பார்களாம்.
ஆண்களின் நெஞ்சுக்கு நடுவே ஒரு கோடு போன்ற அமைப்பு இருக்கும் ஆண்களின் நெஞ்சை One Woman Man(ராஜ தண்டம்) என்பர். இவ்வாறான அமைப்பைக் கொண்ட ஆண்களிடம் எப்போதும் ஒரு சொல், ஒரே வகையான நடத்தையே இருக்குமாம். இவர்கள் ஒன்றுக்கு மேற்பட்ட நபர்களுடன் பாலியல் தொடர்பை வைத்துக் கொள்ள விரும்பாத நபர்களாக இருப்பார்களாம். அதாவது சீதையின் ராமன்.
அடர்த்தியாக இல்லாமல், ஆனால் பரந்து வளர்ந்து இருக்கும் நெஞ்சு முடி அமைப்பைக் கொண்ட ஆண்களின் நெஞ்சை The Cool Guy(காற்றோட்ட நிலை) என்பர். இவ்வாறான அமைப்பைக் கொண்ட எப்போதும் இளமையான தோற்றமுடைய நபர்களாக இருப்பார்களாம்.
